O Servizo de Optometría da USC realizará revisións visuais á comunidade universitaria entre o 7 e o 13 de outubro

Coincidindo coa celebración o martes 8 do Día Mundial da Optometría, este ano dedicado á Miopía, o Servizo de Optometría da Facultade de Óptica e Optometría realizará revisións visuais a todos os membros da comunidade universitaria que o requiran durante a semana do 7 ao 13 de outubro. As revisións levaranse a cabo no Servizo de Optometría da Facultade de Óptica e Optometría situado na planta baixa do centro en horario de 9 a 14.00 horas. A cita pódese obter en http://www.usc.es/gl/servizos/optometria/cita.html.