Ópera no Concerto de Nadal deste luns no Paraninfo da Universidade

A Asociación Lírica En-cantados ofrece este luns 23 un concerto de Nadal no Paraninfo da Universidade (Facultade de Xeografía e Historia). Será ás 20.00 horas coa entrada libre ata completar o aforo. A formación, con Diana Somkhieva na dirección artística, interpretará un repertorio composto por numerosas arias, dúos e tríos de ópera, pezas clásicas e non tanto obra de autores como Mozart, Tosti, Mendelsohn, Orff, Vivaldi, Caldara, Scarlatti, Moises Hogan, Bellini, Puccini, Händel, Grieg, Donizetti, Bizet e Gounod.