Conferencia sobre posicionamento no mercado lácteo na Facultade de ADE de Lugo
Mónica Casas, directora comercial de Feiraco, falará sobre as estratexias de introdución de produtos desta cooperativa leiteira galega
A Facultade de Administración e Dirección de Empresas de Lugo organiza para o martes 20 ás 18.00 horas (aula 5) unha conferencia sobre posicionamento no mercado lácteo. A encargada de impartila será a directora de marketing de Feiraco, Mónica Casas, quen falará sobre as estratexias desta sociedade cooperativa galega para o a introdución dos seus produtos no mercado. Aínda que o encontro está dirixido principalmente aos alumnos dos últimos cursos do grao en Administración e Dirección de Empresas e do máster en Dirección de Empresas que se imparten no centro, a entrada á conferencia será libre para todos os interesados en asistir a ela.