Nova estrea da Aula de Teatro da USC

A Aula de Teatro da USC estreará este luns 17 a súa última montaxe teatral, ‘Agamenón. Volvín do supermercado e deille unha malleira a meu fillo’ de Rodrigo García. A entrada é gratuíta previo paso polo despacho de entradas, que estará aberto desde as 18.00 horas. Esta estrea, no Teatro Principal ás 21.00 horas, é o primeiro traballo escénico da nova programación que entrou o presente curso académico na compañía de teatro da Universidade compostelá.