Presentación do Arquivo do Galego Oral do Instituto da Lingua Galega da USC

Dúas mil horas de gravacións a 7.000 informantes da práctica totalidade dos 315 concellos galegos e de boa parte dos 38 das comarcas de fala e cultura galegas de Asturias, León e Zamora conforman o Arquivo do Galego Oral do Instituto da Lingua Galega da USC que este venres 27 presentará aos medios de comunicación o seu director, o profesor Francisco Fernández Rey. Na rolda de prensa, ás 12:00 horas na Sala de Prensa do Colexio de Fonseca, participan tamén o reitor da USC, Juan Casares Long, o secretario xeral de Política Lingüística, Anxo Lorenzo, e a subdirectora do Arquivo, Carme Hermida Gulías.