Presentación en Lugo da terceira edición do ciclo Sons Creativos

‘Música e Cidade’ é o lema da terceira edición do ciclo Sons Creativos que este mércores, 4 de maio, se presenta nunha rolda de prensa ás 11:30 horas no Pazo de Montenegro (Lugo). Nesta ocasión a iniciativa está dedicada a Llorenç Barber. Ao acto asisten o vicerreitor de Extensión Universitaria, Cultura e Sociedade, Javier Garbayo; a coordinadora do ciclo, Inmaculada Cárdenas; a concelleira de Cultura de Lugo, Nuria Mundiña; Antonio Veiga en representación da Vicepresidencia primeira da Deputación de Lugo; e Sinesio Pérez, de Novacaixagalicia.