A USC adapta tres postos de traballo e consulta na biblioteca Concepción Arenal para persoas discapacitadas

Dende esta semana as persoas con algún tipo de discapacidade dispoñen xa na biblioteca Concepción Arenal de tres postos de traballo e consulta adaptados ás súas necesidades. Esta nova infraestrutura, vella demanda da Universidade compostelá, é froito da colaboración coa ONCE, que subvencionou a adaptación deses lugares de consulta para facelos accesibles. As dúas institucións levan anos cooperando no desenvolvemento de programas de emprego con apoio coa fin de axudar a capacitar a persoas con discapacidade para o seu acceso ao mundo laboral.