Pasar al contenido principal

Un seminario analiza a mediación penal a partir de experiencias nacionais e europeas

O prazo de inscrición permanecerá aberto ata o 7 de maio

O instituto de Criminoloxía da USC organiza en maio un seminario no que se abordarán as particularidades da mediación penal tomando como referencia diversas experiencias nacionais e europeas. As persoas interesadas nesta proposta formativa deberán formalizar a súa inscrición antes do día 7 de maio.
Representantes do Consello Xeral do Poder Xudicial, da Audiencia Provincial de Alacante, do Centro Penitenciario de Pereiro de Aguiar e do Ministerio de Xustiza achegarán as súas experiencias conxuntamente con docentes e investigadores das universidades de Tromsø (Noruega), Lovaina, Minho e da propia USC.
O seminario botará a andar cunha referencia ao proxecto de mediación penal do Consello Xeral do Poder Xudicial, para continuar cunha análise da situación nos Países Escandinavos, Bélxica e en Portugal. Na segunda xornada do encontro avaliaranse a experiencia en mediación penal da Audiencia Provincial de Alacante, así como experiencias de mediación penitenciaria entre o recluso e a vítima.

Los contenidos de esta página se actualizaron el 20.04.2010.