A profesora Carolina Tinajero Vacas tomará posesión o vindeiro luns como decana da Facultade de Psicoloxía

A profesora do Departamento de Psicoloxía Evolutiva e da Educación Carolina Tinajero Vacas tomará posesión o vindeiro luns 29 do seu cargo como decana da Facultade de Psicoloxía nun acto protocolario que presidirá o reitor Juan Casares no Salón de Graos do Colexio de San Xerome. A profesora Tinajero resultou elixida o pasado mes de maio nunha votación da Xunta de Facultade na que acadou en primeira volta 48 votos do total de 55 emitidos. O seu equipo decanal estará composto polos profesores Dámaso Rodríguez e Mauro Rodríguez como vicedecanos, e pola profesora Paula Villar como secretaria.