O xurado do premio Aresa de Desenvolvemento Rural dá a coñecer o ditame da décimo primeira edición deste galardón

Os membros do xurado do Premio Aresa de Desenvolvemento Rural reuniranse este venres 17 para elixir o gañador deste galardón que recoñece o traballo a prol do desenvolvemento da economía rural galega. Este premio é un dos máis recoñecidos dentro do sector profesional ao que se dirixe, tanto polo seu prestixio como pola dotación económica de dez mil euros da que vén acompañado.

O xurado deste ano está composto polo reitor da USC, Juan Casares Long; o vicerreitor de Coordinación do Campus de Lugo, Pedro García Herradón; o presidente de Aresa, Álvaro Rodríguez Eiras; o vicerreitor de Investigación da Universidade de Murcia, Juan María Vázquez Rojas e o Director Xeral de Nanta, Francisco Irazusta Rodríguez. O ditame farase público ante os medios de comunicación este venres 17 ás 13:00 horas na Sala de Prensa da Vicerreitoría de Coordinación do Campus de Lugo.