En marcha na USC o Concurso de Emprendedor Universitario

Son xa oito as edicións do Concurso de Emprendedor Universitario que organiza a Escola de Organización Industrial (EOI) en diversas universidades españolas e ás que a USC este ano se suma por segundo ano consecutivo. Os quince alumnos que asisten en Santiago participaron este luns nun acto protocolario no que participaron o reitor da USC, Juan Casares; a directora da Centro de Estudos Avanzados, María Xosé Rodríguez Galdo; o director de Emprendemento da EOI, José Antonio Sánchez Andrés; e o director de Cursos da EOI, José María Martín Moreno.

O curso diríxese a potenciar as habilidades dos titulados e estudantes universitarios de últimos cursos e as súas competencias empresariais así como a orientar as súas capacidades ao mundo da empresa coa finalidade de que ao seu remate sexan capaces de pór en marcha con éxito a súa idea empresarial.