O Centro de Estudos Eurorrexionais participa na primeira Semana Europea das Pemes con dúas xornadas en Maia e Vilagarcía

O Centro de Estudos Eurorrexionais (CEER), participado polas universidades públicas de Galicia e o Norte de Portugal, será o responsable dunhas xornadas de traballo organizadas no marco da primeira Semana Europea das Pemes e que se desenvolverán no mes de maio en Maia e Vilagarcía de Arousa.
Coa finalidade de promocionar a cultura emprendedora, o CEER organiza dúas xornadas tituladas ‘As 5 W´s na innovación’ que contarán con casos de éxito empresarial sobre como pode mellorar a produtividade incorporando a innovación na empresa. Participarán nelas representantes das oficinas de innovación da Universidades de Santiago, A Coruña, Vigo, UTAD, Minho e Porto, que explicarán o papel das institucións de ensino superior como xeradoras de coñecemento e innovación.
As xornadas artéllanse como unha ponte máis entre as empresas, as universidades e a sociedade, polo que o CEER ten como socios nesta actividade á a Concellaría de Innovación do Concello de Vilagarcía, Unirisco, Maiainova e Tecmaia.
Os workshops serán o 11 de maio en Maia no auditorio de Tecmaia e o 13 do mesmo mes en Vilagarcía de Arousa.
Semana Europea das PemesA Semana das Pemes enmárcase no ano de Creatividade e Innovación coa idea de colaborar de forma conxunta na difusión da importancia da mellora da competitividade e na produtividade.