O luns preséntanse as XIII Xornadas Internacionais de Enfermaría, dedicadas este ano ás drogas e accidentes de tráfico

O vicerreitor de Coordinación do Campus de Lugo, Carlos Herrero Latorre; o director da Escola de Enfermaría de Lugo, José Luis Díaz López, e o decano do Colexio Oficial de Enfermaría de Lugo, Miguel Fernández Méndez, presentarán o luns 24, ás 11:30 horas, no Salón de Graos deste centro universitario, a XIII edición das Xornadas Internacionais de Enfermaría.
As xornadas levan por título ‘Drogas e accidentes de tráfico. Dous son mil’ e terán lugar entre os días 26 e 28 deste mes.