O grupo de teatro do Campus de Lugo representa o domingo en Ribadeo 'O Público'

A Compañía de Teatro da USC do Campus de Lugo representará este domingo 24 a obra ‘O Público’, de Federico García Lorca. Será no Auditorio de Ribadeo, a partir das 20:00 horas, dentro da programación cultural organizada polo Concello.
Esta obra foi creada por Federico García Lorca pero criticada nos primeiros tempos pola súa dificultade á hora de representala. Anos máis tarde foron solucionadas as dificultades da súa escenografía e xa se pode poñer en escena.
O seu argumento traballa sobre as distintas máscaras que vai adquirindo o ser humano e que lle dificulta chegar a ser un mesmo. O fío argumental incide na necesidade de despoxarse da máscara para chegar ao amor verdadeiro, onde non importa a forma.