O ciclo Música en Imaxes da Fonoteca universitaria comeza de novo coa ópera 'Tristán e Isolda'

Coa ópera ‘Tristán e Isolda’ de Richard Wagner, a Fonoteca universitaria, situada na Facultade de Ciencias da Comunicación da USC, comeza de novo este xoves 10, ás 18:00 horas, a programación do ciclo Música en Imaxes.
A ópera, dividida en tres actos e con libreto do propio Wagner, gravouse en Müncher en 1998 coa orquestra Bayerisches Staatsorchester que dirixe Zubin Mehta. Jon Fredric West e Waltraud Meier interpretan a Tristán e Isolda, respectivamente.