Entrega de diplomas á segunda promoción do máster Paulo Fabio da Escola de Relacións Laborais
Será ás 18:00 horas deste xoves 17
A Escola de Relacións Laborais de Lugo acolle este xoves 17 de xaneiro, ás 18:00 horas, a entrega de diplomas aos 25 alumnos da segunda promoción que remataron o Máster Paulo Fabio en Dirección de Recursos Humanos.
O acto terá lugar no salón de actos da Escola coa presenza de profesores, alumnos e os directores das escolas de Lugo e A Coruña, Mercedes Montes e Jesús Vázquez. Este curso foi promovido pola escola lucense pero tamén se celebrou este ano na súa homónima da Coruña.
Actuará como padriño dos alumnos Barry Rubin, presidente da empresa Teampath, de Florida.