Entrega dos premios da sétima edición do Concurso de Proxectos Empresariais Innovadores da USC

Os premios da sétima edición do Concurso de Proxectos Empresariais Innovadores da USC entregaranse este mércores, día 2 de maio, nun acto a celebrar a partir das 12:00 horas no Salón Reitoral do Colexio de San Xerome baixo a presidencia do reitor Senén Barro. Con esta convocatoria preténdese impulsar a creación de empresas innovadoras promovidas por estudantes, recén licenciados ou investigadores así como a innovación empresarial e a xeración de emprego.
Nesta entrega participarán ademais o director xeral de Promoción do Emprego, Álvaro Ansias Bacelar; o director xeral de Investigación, Desenvolvemento e Innovación, Salustiano Mato; a vicerreitora de Investigación e Innovación, María Xosé Alonso; o vicerreitor de Comunidade Universitaria e Compromiso Social, José Manuel Mayán; o xerente de Unixest, Gustavo Marcos; e o director do Programa Uniemprende, Carlos Hernández Sande.