A Fonoteca universitaria proxecta o filme 'Chitty Chitty Bang Bang'

A Fonoteca universitaria, emprazada na Facultade de Ciencias da Comunicación de Santiago, proxecta este xoves, día 18, a película ‘Chitty Chitty Bang Bang’, dirixida por Ken Hughes.
Esta actividade, que terá lugar ás 18:00 horas con entrada libre, enmárcase no ciclo semanal ‘Música en Imaxes’ que nesta ocasión se dedica aos fondos da Fonoteca.
‘Chitty Chitty Bang Bang’, con música de Richard M. Sherman e Robert B. Sherman, está interpretada por Dick Van Dyke, Rally Ann Howes e Lionel Jeffries.