A Facultade de Ciencias do Campus de Lugo entrega os diplomas do II Máster en Prevención de Riscos Laborais

Os alumnos que superaran con éxito a II edición do Máster en prevención de Riscos Laborais que organiza a Facultade de Ciencias de Lugo recibirán este xoves, día 25, os seus diplomas acreditativos.
Ao acto, que se celebrará ás 12:00 horas no Salón ‘José Rodríguez Mourelo’ do centro lugués, asistirán o vicerreitor de Coordinación da USC, Carlos Herrero Latorre; o decano da Facultade de Ciencias, Francisco Fraga; e o profesor de Saúde Pública José Carlos Quintas Fernández, estes dous últimos directores do máster.