O profesor Pierre Vogel imparte na USC un curso sobre avances recentes en Química Orgánica

O profesor Pierre Vogel, da Escola Politécnica Federal de Lausanne, imparte esta semana na USC un curso sobre avances recentes en Química Orgánica, financiado polo Ministerio de Educación, Cultura e Deporte.
Cun programa único sobre a síntese combinatoria de antraciclinas e análogos anti-cancro, as sesións desenvolveranse na Aula Magna da Facultade de Química este mércores, día 30, a partir das 17:00 horas, o xoves en horario de mañá e tarde, e o venres en xornada matutina.