Firma do convenio entre a USC e o Concello de Lugo para a implantación do Plan de Emerxencia Municipal

O Vicerreitor de Coordinación do Campus de Lugo, Carlos Herrero, e o Concelleiro de Urbanismo e Zona Rural, Francisco Fernández Liñares, firmarán mañá, martes, día 30 de outubro, ás 12:00 horas, o convenio de colaboración entre as dúas entidades para a realización de actividades de implantación do Plan de Emerxencia Municipal. O acto de firma terá lugar no Salón de Plenos da Casa do Concello.

Este convenio serve de indicador para pór en marcha o Plan, que foi elaborado por un equipo de investigación do Laboratorio do Territorio (LaboraTe), no Departamento de Enxeñería Agroforestal da Escola Politécnica do Campus de Lugo, e os membros de Protección Civil de Lugo.