O profesor Marcelino Agís intervén en Francia nun coloquio internacional sobre o filósofo Paul Ricoeur

O profesor da Facultade de Filosofía da USC Marcelino Agís Villaverde intervén como relator este xoves nun coloquio internacional que sobre o filósofo e pensador Paul Ricoeur se desenvolve na Universidade de Rennes.
O encontro, que pretende ser unha homenaxe ao que foi un dos grandes filósofos franceses, reúne a numerosos especialistas e interesados na materia que asisten durante dúas xornadas a intervencións de expertos chegados de todas as partes do mundo.
O profesor Agís Villaverde, único representante español no coloquio, participa cunha conferencia sobre a interpretación do infinito.