A USC entregou dous portátiles ás gañadoras do sorteo realizado entre os universitarios que subscribiron o seguro de accidentes 'Cum Laude'

As estudantes Sara Álvarez Sánchez e Mª Castro Abucide recibiron este venres de mans do vicerreitor de Comunidade Universitaria e Compromiso Social, José M. Mayán Santos, cadanseu ordenador portátil co que resultaron agraciadas no sorteo celebrado entre os estudantes que subscribiron o seguro ‘Cum Laude’. O acto de entrega, no que tamén participou o director xerente da correduría de seguros ‘Silva y Zamora’, Jesús Silva Villar, tivo lugar na Casa Jimena y Elisa Fernández de la Vega.
Neste sorteo, realizado ante o notario Héctor Ramiro Pardo García, participaron todos os alumnos do curso académico 2006/2007 que subscribiron o seguro de accidentes ‘Cum Laude’ que a Universidade presentou como unha opción voluntaria dentro do sobre de matrícula.