O Campus de Lugo acolle exhibicións de tiro con arco o luns e o martes para presentar esta actividade de Deportes

Os alumnos do campus de Lugo poderán participar dende o mes de xaneiro no curso de tiro con arco que celebrará a área de Deportes os días 14, 16, 21, 23, 28 e 30 de xaneiro, entre as 15:30 e as 17:30 horas, nos sotos da Facultade de Veterinaria, baixo o pavillón central.
A inscrición para este curso xa está aberta e pode realizarse na oficina de Deportes do Campus de Lugo, no edificio da Biblioteca Intercentros ou chamando as extensións 23584 e 42336, ata o 11 de xaneiro. O prezo do curso é de 20 euros.
Para incentivar a participación, o monitor do curso realizará o luns 10 e martes 11 unha exhibición diante da Biblioteca Intercentros. Será entre as 11:00 e as 12:30 horas. O martes, ademais, haberá unha presentación da actividade na Sala de Xuntas da Facultade de Veterinaria ás 12:30.