Unha tese sobre as estruturas supramoleculares dos derivados de ácidos biliares obtén a máxima cualificación en Lugo

A licenciada en Química pola Universidade de Santiago de Compostela Mª Mercedes Álvarez Alcalde acaba de defender na Facultade de Ciencias do Campus de Lugo a súa tese de doutoramento titulada ‘Estructuras supramoleculares generadas por derivados de ácidos biliares y ciclodextrinas’ que acadou a culaificación de sobresaínte cum laude. O traballo estaba dirixido polo catedrático de Química Física José Vázquez Tato e pola doutora do mesmo departamento Aida Jover Ramos.
A tese presentada estudou o deseño de novas estruturas supramoleculares derivadas a partir de novos oligómeros acíclicos de sales biliares e o deseño dunha nova máquina molecular a partir dun derivado da beta-ciclodextrina mediante un mecanismo de autoinclusión coñecido como isomería in-out.O tribunal encargado de avaliar esta investigación conformábano os catedráticos José Miñones, da USC; José Peleteiro da Universidade de Vigo; Nicolae Viorel da Universidade ‘La Sapienza’ de Roma; Angela F. Danil de Namor da Universidadade de Surrey en Guildford; e Teijón Rivera da Universidade Complutense de Madrid.