Os coordinadores dos hospitais universitarios que colaboran na docencia do grao de Medicina reuníronse en Santiago

O Aulario Novoa Santos acolleu a sétima edición da reunión de coordinadores e coordinadoras dos hospitais universitarios que colaboran na docencia do grao de Medicina, que presidiu o decano da Facultade, Julián Álvarez, e na que tamén interviñeron o vicedecano de Docencia Clínica, José Carreira, e o coordinador de sexto curso, Miguel Gelabert.

Á reunión asistiron ademais Ramón López de los Reyes, coordinador docente do Complexo Hospitalario Universitario de Ferrol; Luís Anibarro, do de Pontevedra; Ángel López Rodríguez, do Lucus Augusti; Jesús García Mata, do Universitario de Ourense; Carlos Vázquez Barro, do da Coruña; e o vicedecano José Carreira en representación do coordinador de Vigo, que no puido asistir.

Entre outras cuestións, na xuntanza unificáronse criterios docentes e de avaliación das materias clínicas de sexto curso. Para iso, contouse coa presenza dos responsables de coordinación desas materias: a profesora Rosaura Leis, de Pediatría; Ángeles Lorenzo, de Psiquiatría; Arturo Quintela, de Médica; Nieto Pol, de Medicina de Familia; Miguel Caínzos, de Cirurxía; e Manuel Macías, de Xinecoloxía.