Bota a andar o horario extraordinario de apertura das bibliotecas da USC para os meses de decembro e xaneiro

As bibliotecas Concepción Arenal e Intercentros de Lugo abrirán as súas portas en horario extraordinario durante este mes de decembro, así como en xaneiro de 2023. A elas súmanse, como espazos adicionais de reforzo, a sala de lectura de Dereito e a biblioteca de Ciencias Económicas e Empresariais. Ademais, durante as semanas de Nadal estará aberta a Biblioteca Xeral en horario de 9.00 a 20.30 horas, de luns a venres.

No período comprendido do 6 ao 22 de decembro, as bibliotecas Concepción Arenal e a de Ciencias Económicas e Empresariais abrirán, de luns a domingo, de 8.30 a 22.00 horas. A Intercentros de Lugo, tamén de luns a domingo, estenderá o seu horario entre as 8.30 e as 0.00 horas; mentres que Dereito farao de 8.30 a 3.00 horas.

Do 23 de decembro de 2022 ao 1 de xaneiro de 2023, Concepción Arenal e Intercentros de Lugo prestarán servizo entre as 9.00 e as 22.00 horas, malia que os días 24 e 31 o horario será de 8.30 a 15.00 horas. Do 2 ao 5 de xaneiro de 2023, abrirán a Biblioteca Concepción Arenal (9.00-22.00 horas), Intercentros de Lugo (9.00-0.00 horas), e a sala de lectura de Dereito (9.00-3.00 horas).

Finalmente, do 6 ao 29 de xaneiro de 2023, Concepción Arenal abrirá de 8.30 a 0.00 horas, de luns a domingo, excepto na semana do 23 ao 29 de xaneiro, na que o horario irá de 8.30 a 22.00 horas. Do 6 ao 29 de xaneiro de 2023, os horarios serán os seguintes:  Biblioteca Intercentros de Lugo (8.30-0.00, de luns a domingo) Ciencias Económicas e Empresariais (8.30-0.00, de luns a domingo) e Dereito (24 horas, de luns a domingo). Na semana do 23 ao 29 de xaneiro, esta última biblioteca abrirá de 8.30 a 3.00 horas.