Fernando Julio Ponte Hernando, premiado pola Real Academia de Ciencias Veterinarias
O traballo titulado ‘Más allá de la hagiografía o el victimismo: la trayectoria de Abelardo Gallego Canel en Santiago de Compostela (1903-1921)’ recibe o III Premio Amigos da Historia Veterinaria
Santiago de Compostela
O III Premio Amigos da Historia Veterinaria, outorgado pola Real Academia de Ciencias Veterinarias, acaba de distinguir o traballo titulado ‘Más allá de la hagiografía o el victimismo: la trayectoria de Abelardo Gallego Canel en Santiago de Compostela (1903-1921)’, asinado polo profesor da USC Fernando Julio Ponte Hernando.
A obra profunda na figura de Gallego Canel (1879-1930) catedrático da Escola de Veterinaria de Santiago e posteriormente da de Madrid, que foi mestre directo e indirecto de numerosos veterinarios e médicos. O estudo afonda na traxectoria e nos seus vínculos. O profesor de Historia da Medicina e da Ciencia da USC, Fernando Julio Ponte Hernando, é tamén académico numerario da Real Academia de Medicina de Galicia.