Aberto o prazo para inscribirse nas actividades de verán do CLM
A USC convoca as actividades de verán 2023 do seu Centro de Linguas Modernas dirixidas a alumnado, resto da comunidade universitaria e a calquera persoa interesada maior de 16 anos. As actividades ofertadas son catalán inicial, checo, francés inicial, francés intermedio, galego intermedio, inglés avanzado presencial e inglés avanzado en liña. As persoas interesadas nas actividades de nivel inicial poderá matricularse directamente, as restantes terán que facer previamente o test de nivel. Toda a información relativa a prazos e contidos pode consultarse na web do CLM.
A asistencia mínima ao 80% das sesións programadas e mais a superación da avaliación dará dereito á emisión dunha certificación da realización da actividade coa súa denominación, nivel a que corresponde, número de horas e cualificación de aptitude. Recoñeceranse tamén créditos ECTS ao alumnado da USC. No caso de problemas coa matrícula en liña deben remitir unha incidencia ao enderezo clm [at] usc.gal (clm[at]usc[dot]gal) e seguir as indicacións recibidas.