A cultura colaborativa, nova xornada gratuíta dirixida ao alumnado

A Área de Orientación Laboral e Emprego da USC organiza este mércores 15 unha nova actividade gratuíta de cara á mellora da empregabilidade do alumnado.

Nesta ocasión, desenvolverán na Facultade de Relacións Laborais a xornada ‘ A cultura colaborativa: tecendo redes de cooperación para a busca de emprego’, na que se compartirán experiencias da nosa contorna baseadas na cooperación e colaboración como vía para xerar oportunidades profesionais, buscar emprego e establecer novas fórmulas nas relacións laborais e establecemento de contactos profesionais.

A xornada comezará cunha mesa con representantes de diversos programas como Lanzaderas, Colabora, A senda, A Viaxe e Empréga-te para continuar con intervencións sobre os espazos de traballo compartido e as redes de traballo ou como establecer os contactos entre profesionais na busca de beneficio mutuo.