As aldeas abandonadas e o futuro do rural galego, a debate nos Encontros de Xoves de Lúa Chea do Campus Terra da USC
A profesora Mar Pérez Fra moderará, a partir das 20.00 horas, na EPS unha sesión na que intervirán como relatores os enxeñeiros María José Enríquez e Xosé García Freire
Os Encontros de Xoves de Lúa Chea, un programa de debate sobre cuestións de actualidade organizado polo colectivo universitario Proxéctate en Galego celebra este xoves 9 de febreiro, a partir das 20.00 horas, un novo coloquio na cafetería da Escola Politécnica Superior do Campus Terra da USC, baixo o título ‘Aldeas abandonadas, cal é o futuro do rural?’.
A profesora do do Departamento de Economía Aplicada da USC na Escola Politécnica Superior Mar Pérez Fra fará unha introdución sobre o tema do coloquio, no que intervirán como relatores a enxeñeira de montes e investigadora do LaboraTe do Campus Terra da USC María José Enríquez, e o enxeñeiro agrónomo e propietario da granxa Casa Fonte, Xosé García Freire.