Preséntase o libro Pontevedra, la memoria rescatada. Vistas y visiones de una ciudad atlántica

A Sala de Profesores da Facultade de Xeografía e Historia acolle este xoves 6 ás 12.00 horas a presentación do libro ‘Pontevedra, la memoria rescatada. Vistas y visiones de una ciudad atlántica’, da autoría da doutora en Historia pola USC e membro do grupo Iacobus, Carla Fernández, e editado pola Deputación de Pontevedra.

Na presentación participarán a propia autora e mais o deputado de Cultura e Lingua da Deputación de Pontevedra, Xosé Leal Fariña; o decano da Facultade, Francisco Ramón Durán Villa, e o coordinador do grupo Iacobus, Juan Manuel Monterroso Montero.

A publicación reconstrúe a través de multitude de imaxes a memoria visual de Pontevedra e ofrece un estudo detallado das representación plásticas que tiveron como tema os seus edificios e lugares máis emblemáticos.