Seminario en Dereito sobre a responsabilidade civil médica

A profesora de Dereito civil da Universidade italiana de Bolonia Barbara Grazzini impartirá o luns 20 na Facultade de Dereito un seminario sobre a responsabilidade civil médica.

A intervención de Grazzini, ás 18.00 horas na Sala de Profesorado da facultade, versará sobre a recente reforma en materia de responsabilidade civil médica en Italia. Como contrarrelatora actuará María Paz García Rubio, catedrática de Dereito civil da USC, que se encargará da análise comparativa. O seminario está organizado polo Grupo de Investigación De Conflictu Legum da USC.