Esta actividade de formación, reflexión e debate terá lugar os días 30 de setembro e 1 de outubro, en horario de tarde, no edificio Redeiras da Universidade de Vigo. Hai prazas limitadas que se asignarán por orde de inscrición.
O obxectivo destas xornadas internacionais deseñadas e impulsadas desde os servizos de igualdade da Universidade da Coruña, a Universidade de Santiago de Compostela e a Universidade de Vigo, co apoio da Consellería de Política Social e Igualdade da Xunta de Galicia, a través dos fondos do Plan corresponsables, son as masculinidades coidadoras (caring masculinities), que poñen en valor o traballo dos coidados e tratan de crear as posibilidades para fomentar que os homes se impliquen activamente neles.