Concerto de Lontreira

O ciclo ‘Lubicán’, incluído dentro da programación do Outono Cultural, comeza este curso académico coa actuación de Lontreira. O concerto será o mércores 27 de novembro ás 21.00 horas, no Auditorio da Facultade de Veterinaria do campus de Lugo, e a entrada é libre ata completar a capacidade da sala. Esta iniciativa enmárcase dentro da programación artellada ao abeiro do convenio Lugo Cultural, que recibe financiamento da USC, Cultura e Turismo do Concello de Lugo e da Vicepresidencia da Deputación Provincial de Lugo.