As persoas seleccionadas para formarse no eido do canto coral poderán participar no grupo residente que ensaiará todos os martes lectivos do curso 2024-25 (agás nos períodos de exames) de 19:30h a 21:00h, ademais dos ensaios extraordinarios que poidan programarse. Para obter máis información sobre as modalidades de participación mira esta ligazón.
A través desta convocatoria seleccionaranse as persoas activas e as reservas. As persoas reservas conformarán unha listaxe co fin de cubrir posibles futuras baixas dentro do Coro Universitario, sendo efectiva ata xuño de 2025.
Quen pode participar?
- Comunidade universitaria da USC (estudantado, profesorado e PAS)
- Integrantes doutros coros e agrupacións vocais
- Estudantado de conservatorios e instrumentistas de todo tipo e estilo
- Cantantes de calquera estilo musical: tradicional, jazz, pop, teatro musical, etc
- Actores e actrices, docentes e profesionais da voz
- Cantantes de formación lírica
- Afeccionado/as á música e amantes do canto en xeral
* A admisión quedará supeditada á superación da audición prevista para tal efecto, tendo preferencia as persoas da comunidade universitaria da USC.
Como podo participar?
Para participar no Coro da USC realizarase unha proba presencial o martes 24 de setembro de 2024 ás 19h na Facultade de Ciencias da Comunicación onde deberán realizar unha breve interpretación a libre elección de repertorio a capella ou sen acompañamento aportado pola OCUSC (cada candidato pode dispoñer dos recursos propios que precise ou crea convintes para este fin); así mesmo, terán que participar nun pequeno exercicio vocal coa finalidade de coñecer mellor o rexistro vocal.
A persoa solicitante previamente deberá inscribirse a través do formulario de inscrición antes do 22 de setembro de 2024 ata as 23:59h.
Permanencia. Isto é para sempre?
Poderase participar no OCUSC un máximo de 2 cursos. Para o estudantado de Grao da USC, os créditos ECTS que se retribúen pola participación repartiranse do seguinte xeito: polo primeiro curso completado recibirán 4 créditos e polo segundo recibirán 2. Poderase prorrogar a pertenza ao proxecto en seguintes convocatorias, a criterio da organización da OCUSC pero sen retribución de créditos.
Nos seguintes anos, se non se cubren completamente todas as prazas, as persoas candidatas poden permanecer cunha preferencia de antigüidade para as persoas integrantes que menos estancia cumpriron.
Estas audicións están destinadas a coñecer, seleccionar e valorar a participación das persoas aspirantes dentro dos programas que a OCUSC realizará entre outubro e xullo do curso 2024-25, así como programas asociados que poidan xurdir.
Que teño que facer na proba?
- Interpretar un fragmento a libre elección a capella ou no seu caso con acompañamento aportado pola persoa candidata, se así o dispón, mediante gravación (play along) ou acompañador/a.
- Realizar un breve exercicio de tonalización realizado no momento da audición sen previa preparación.
Ata cando me podo presentar?
- A data límite para cubrir o formulario e envío será o 22 de setembro de 2024, ata as 23:59 horas
- Os ensaios darán comezo a partires da primeira semana de outubro de 2024 baixo as indicacións da organización que serán convenientemente informadas con anterioridade.
Prazas vacantes no curso 2024-25:
| Sopranos | 10 |
| Contraltos | 10 |
| Tenores | 10 |
| Baixos | 10 |
E ademais….
Requisitos do/as coristas:
- Demostrar un oído musical acorde co nivel esixido
- Mostrar capacidade rítmica suficiente
Como me inscribo para facer as audicións?
- Cubro o formulario de solicitude.
- Preséntome na Facultade de Ciencias da Comunicación o 24 de setembro de 2024 ás 19h
E cando saberei se estou admitido/a?
A OCUSC reservase o criterio e decisión final das persoas admitidas e anunciará o resultado nunha listaxe que se publicará na páxina web da USC acompañada dunha confirmación vía correo electrónico durante o tempo seguinte á realización das probas.
Boa Sorte e animádevos a facer música xunto/as!
"Sen música a vida sería un erro."
Friedrich Nietzsche (1844-1900) Filósofo alemán.
Prazas ofertadas para o Coro da Universidade
- Sopranos: 10
- Contraltos: 10
- Tenores: 10
- Baixos: 10
Resultados persoas inscritas na convocatoria ordinaria 2024/2025
|
Inscrito/as |
Resultado |
Observacións |
| **489890* | Barítono | |
| **231618* | Contralto | |
| **675160* | Contralto | |
| **243996* | Non admitida | Non presentada |
| **807647* | Contralto | |
| **156957* | Contralto | |
| **726049* | Contralto | |
| **938798* | Contralto | |
| **862825* | Contralto | |
| **958694* | Contralto | |
| **291445* | Contralto | |
| **166566* | Contralto | |
| **864048* | Soprano | |
| **994720* | Soprano | |
| **667704* | Soprano | |
| **574266* | Soprano | |
| E. Brutkowska | Soprano | |
| **455751* | Non admitida | Non presentada |
| **201989* | Soprano | |
| **483952* | Soprano | |
| **234580* | Soprano |
Aquelas cordas non completadas atribúense como vacantes que quedan ofertadas novamente en convocatoria permanente:
- Tenores: 10
- Baixos: 9
Para acceder a esta convocatoria permanente, inscríbete a través desta ligazón.
Aquelas cordas non completadas na convocatoria ordinaria 2024/25 atribúense como vacantes, que quedan ofertadas novamente en convocatoria permanente:
- Tenores: 10
- Baixos: 9
Para acceder á convocatoria permanente, inscríbete a través desta ligazón.