O certame ten como finalidade alentar e estimular a disciplina da creación de paisaxes sonoras, así como fomentar a educación da escoita e a sensibilización do oído na nosa contorna. Pretendemos destacar a importancia dos sons no noso día a día e a súa capacidade para evocar emocións, contidos culturais e históricos, e a conexión co noso medio ambiente.
Para participar no III Certame de paisaxe sonora tes que inscribirte do 1 ao 31 de outubro de 2024 en cultura.lugo [at] usc.gal (cultura[dot]lugo[at]usc[dot]gal). O prazo de entrega do traballo será do 8 ao 10 de novembro de 2024. O día de entrega de premios será o 22 de novembro de 2024, ás 20.30 h, na Casa do Saber.
Os premios que podes conseguir son:
- Premio á mellor paisaxe sonora: 300 euros, xoia deseñada por Montse Rego e diploma
- Premio á mellor paisaxe feita por estudantado da USC: 200 euros, xoia deseñada por Montse Rego e diploma
- Premio do público: 100 euros e diploma.
Poderán participar todas as persoas maiores de 16 anos que o desexen, sen restrición de nacionalidade ou lugar de residencia.
Consulta as bases do certame.
-
Sonoridade
Unha paisaxe sonora está composta en gran parte por sons de gravacións acústicas da contorna, non se descarta incluír nunha baixa porcentaxe fontes sonoras de instrumentos electrónicos ou reais pero claramente ten que predominar o concepto básico de paisaxe sonora. As obras que sexan maioritariamente feitas con fontes de son electrónicas ou acústicas e na súa medida non representen o que é unha paisaxe sonora, serán excluídas do certame.
-
Duración
A paisaxe sonora non deberá ter unha duración superior a 10 minutos nin inferior a 1 minuto. Se supera os 5 minutos deberase achegar, ademais da orixinal, unha versión reducida de 3,5 minutos como máximo, para a escoita do público no certame. De non achegala, so se mostrarán os primeiros 3 minutos e medio da obra.
-
Orixinalidade e exclusividade
As obras presentadas deberán ser orixinais e inéditas. Non se aceptarán obras que xa se publicasen, difundisen ou premiasen noutros certames ou plataformas.
-
Documentación adicional
Xunto coa paisaxe sonora, cada participante deberá incluír un arquivo de texto cunha breve explicación do proceso creativo, o material utilizado e unha explicación conceptual da obra. Este documento deberá proporcionar contexto sobre a elección dos sons e a súa relevancia.
Inscrición do 1 ata o 31 de outubro de 2024, cubrindo este formulario.
Para formalizar a inscrición, ademais as persoas participantes deben enviar un correo-e a cultura.lugo [at] usc.gal (cultura[dot]lugo[at]usc[dot]gal) co DNI escaneado e o certificado bancario da conta na que desexen recibir o premio.
A entrega das obras realizarase a través de correo electrónico ou WeTransfer no correo-e cultura.lugo [at] usc.gal (cultura[dot]lugo[at]usc[dot]gal), entre os días 8 e 10 de novembro de 2024.
Cada envío deberá incluír:
A paisaxe sonora en formato WAV (mínimo 44.1kHz 16 bit) ou MP3 (mínimo 192 kbps), en mono ou estéreo.
O nome do arquivo deberá seguir o formato: "Título_NomeApelidos".