Entrega de premios do IV Certame Paisaxe Sonora da USC

As entidades organizadores do IV Certame Paisaxe Sonora da USC, unha actividade incluída na programación do Outono Cultural, celebrarán o 21 de novembro na Casa do Saber do campus de Lugo a cerimonia de entrega dos premios e escoita das obras premiadas do certame.

Esta iniciativa enmárcase dentro da programación artellada ao abeiro do convenio Lugo Cultural, que recibe financiamento da USC, Cultura e Turismo do Concello de Lugo e da Vicepresidencia da Deputación Provincial de Lugo.