Refórzase o horario extraordinario de apertura de bibliotecas en Santiago e Lugo

A Biblioteca Universitaria continúa coa ampliación dos seus horarios habituais. Así, ata o 23 de xaneiro a Biblioteca Intercentros luguesa abrirá ata as 3.00 horas, un horario similar ao que terá a Concepción Arenal ata o 6 de febreiro.

A estas propostas hai que sumar o reforzo da Sala de Lectura da Facultade de Dereito, que dende este luns 4 abrirá as 24 horas do día ata o 23 de xaneiro. Do mesmo xeito, a Biblioteca Xeral e a da Facultade de Ciencias Económicas e Empresariais abrirán en horario continuado de 10.00 a 22.00 horas as fins de semana correspondentes aos días 9 e 10 e 16 e 17 de xaneiro.

A Biblioteca mantén activo ademais un enlace para coñecer as estatísticas de uso das salas en horario extraordinario