A Asociación de Antigos Alumnos e Amigos da USC conmemora o vinte aniversario da súa fundación

O reitor Juan Viaño presidirá este venres 1 de abril a conmemoración do vinte aniversario da Asociación de Antigos Alumnos e Amigos da USC (Alumni) nunha sesión ás 18.30 horas no Paraninfo da Universidade (Facultade de Xeografía e Historia). No mesmo acto farase público o nomeamento de honra da asociación do ex reitor Juan Casares Long en recoñecemento á súa dedicación durante 8 anos como primeiro presidente deste colectivo.

Nesta xornada conmemorativa está previsto que asistan tamén o conselleiro de Cultura, Educación e Ordenación Universitaria, Román Rodríguez González; o que fóra reitor no momento da fundación de Alumni e director da RAE, Darío Villanueva; a presidenta da asociación, Benita Silva Hermo; os concelleiros Manuel Dios Diz e Marta Lois González; e Carlos Gómez Bermúdez, en representación dos socios.