O Servizo de Deportes da USC organiza en maio tres novas propostas de sendeirismo

O Servizo de Deportes da USC organiza ao longo de maio catro rutas de sendeirismo, de distinta dificultade e variación, que transitarán polas provincias de Lugo e Pontevedra e por Portugal.

O primeiro itinerario será o sábado 4 de maio na serra do Courel dentro da programación de rutas de Montaña. O obxectivo nesta ocasión será o cumio do Formigueiros, o máis alto da serra. O mércores 8, dentro da programación de Roteiros, a actividade será no concello de Caldas de Reis, onde se realizará un percorrido á beira do rió Umia. E a última será o sábado 25. Dentro da programación Rutas de Lecer farase un percorrido da Ecopista de Portugal entre Valença e Monçao, á beira do río Miño.

Dirixidas por persoal titulado da Fundación USC Deportiva, para asistir a calquera destas rutas é imprescindible inscribirse previamente na web https://aplicacions.usc.es/deportes/actividades/index.jsp?idUnidadGestion=7&idBloqueActividad=487. As rutas están dirixidas ao público xeral e teñen como obxectivo promover o deporte na natureza e os hábitos de vida saudable. Na web da USC poden consultarse prezos, horarios, dificultade e información máis completa sobre cada unha destas actividades, ademais de consellos xerais no caso de participar nestas rutas de sendeirismo.