Corte de tráfico no Campus Sur este xoves e venres por poda de árbores

Por mor dunha poda programada de árbores na avenida do Doutor Ángel Jorge Echeverri, no Campus Sur, o tráfico estará cortado nesa vía o xoves 14 no sentido rúa Mestre Mateo a Avenida das Ciencias e o venres 15 no sentido contrario de 9:00 a 14:00 horas.

Por esa mesma razón, a liña 15 de autobuses urbanos non poderá tampouco circular por esa rúa nesa franxa horaria o vindeiro xoves 14 de febreiro. Tal e como informa a compañía Tussa, desde o acceso habitual ao campus por Mestre Mateo e Jenaro de la Fuente, a liña 15 desviarase á esquerda por Lope Gómez de Marzoa, Vicente Fraíz Andón, José María Suárez Núñez, carballeira de San Lourenzo, avda. das Burgas, avda. de Compostela, avda. da Coruña e retomará o seu itinerario pola avda. das Ciencias (na parada do campo de hóckey). Quedará así suprimida a parada 96, avda. Lope Gómez de Marzoa (Facultade de Relacións Laborais).