Juan Gestal toma posesión o luns como decano da Facultade de Medicina e Odontoloxía

O catedrático de Medicina Preventiva e Saúde Pública da USC Juan Gestal Otero tomará posesión este luns, 2 de marzo, como decano da Facultade compostelá de Medicina e Odontoloxía logo de ser reelixido no cargo o pasado mes de decembro. O acto, que presidirá o reitor Juan Viaño, terá lugar ás 14.00 horas no Salón de Graos do Colexio de San Xerome. Acompañan ao profesor Gestal no equipo decanal José Carreira Villamor e Víctor Arce Vázquez como vicedecanos, Juan Suárez Quintanilla como vicedecano de Odontoloxía e María Teresa Castaño Oreja como secretaria, que tamén estarán presentes na cerimonia.