Un curso en liña axuda a coñecer as particularidades do marco xurídico das empresas de base tecnolóxica

O marco xurídico e as claves para a constitución de Empresas de Base Tecnoloxía (EBT) na Universidade definen o temario do curso en liña que se vai celebrar do 13 de febreiro ao 13 de marzo cunha carga lectiva de 40 horas. Esta é unha acción formativa de Uniemprende especialmente dirixida a xestores de proxectos de creación de empresas nas universidades, a persoal universitario que desexe crear unha EBT como resultado da actividade investigadores, a emprendedores/as e a persoal que traballo na área de asesoramento á creación destas empresas.

Cunha oferta limitada de prazas, as persoas que se matriculen recibirán formación sobre o réxime xurídico das EBT con especial atención ás particularidades do coñecemento universitario e a súa transferencia empresarial, o sistema de creación dunha empresas destas características, a participación do persoal universitario e o réxime de incompatibilidades e as relacións entre a Universidade e as EBT’ s.

O encargado do desenvolvemento dos temas será Carlos A. Gómez Otero, secretario xeral adxunto da USC e experto en materia legal sobre creación de empresas de base tecnolóxica. Colaborou en publicacións e revistas técnicas sobre os aspectos xurídicos destas sociedades dende o ámbito universitario e realiza labores de asesoramento para unha gran cantidade de EBT dende a USC.