Inauguración da exposición ‘Carlos Maside. Patrimonio de Galicia’

A Universidade de Santiago, o Concello compostelán, o Consorcio e a Deputación da Coruña inauguran este xoves 9 ás 12.00 horas no Comedor do Colexio de Fonseca a exposición ‘Carlos Maside. Patrimonio de Galicia’, con 21 pinturas que conforman o ‘Legado Maside’ que pasa a formar parte do patrimonio cultural da cidade e de todas e todos os galegos.

A mostra, á que se accede polo Xardín da Travesa de Fonseca (Xardín das Pedras que Falan), poderá visitarse en verán de martes a sábado de 10:00 a 14:00 e de 17:00 a 21:00 horas cun pequeno cambio en inverno, que nas tardes abrirá ás 16:00 e pechará ás 20:00 horas.