Nova oferta de libros descatalogados do Servizo de Publicacións

O Servizo de Publicacións acaba de publicar a súa nova oferta de libros descatalogados, que inclúe os títulos dispoñibles (non esgotados) editados ata 2005. A oferta pode consultarse ou descargarse na web. A venda realízase nas dependencias do Servizo de Publicacións (Casa Gradín, Campus Vida, Santiago) e da Vicexerencia (Campus de Lugo) en horario de 9,00 a 14,00 horas.

A descatalogación de libros é unha práctica moi frecuente no sector editorial, ao abeiro da vixente Lei de Propiedade Intelectual. Malia que a lexislación permite saldar a edición aos dous anos da publicación da obra, o Servizo de Publicacións, tendo en conta a natureza nomeadamente científico-técnica e académica do seu fondo, descataloga as obras que edita nun prazo superior ao devandito, normalmente de dez anos.