Os XIII Encontros Internacionais de Filosofía debaten na USC sobre a dimensión cosmopolita do Camiño de Santiago
O presidente de Afundación abre este xoves en Filosofía o simposio ‘Camiño, logo existo’, no que participan 60 profesores e investigadores de universidades europeas
A análise da dimensión cosmopolita do Camiño de Santiago e o seu rol como reforzo do cosmopolitismo actual serán dous dos eixos temáticos sobre os que versarán os distintos relatorios programados no marco dos XIII Encontros Internacionais de Filosofía, un simposio promovido pola Sociedade Interuniversitaria de Filosofía e Galicia Milenio, en colaboración coa USC, que se desenvolverá este xoves e venres na Facultade de Filosofía de Santiago.
O presidente de Afundación, Miguel Ángel Escotet, abrirá este xoves a quenda de relatorios deste foro, que rende homenaxe ao profesor da Universidade de Perugia Antonio Pieretti e no que se agarda a participación duns 60 profesores e investigadores de universidades europeas.