O economista Javier Santacruz explica o mércores na USC os riscos e oportunidades de China para a economía mundial

O economista especializado en Macroeconometría e Finanzas Javier Santacruz pronunciará o vindeiro mércores 9 a conferencia ‘A “nova normalidade” en China. Riscos e oportunidades para a economía mundial’. A intervención, ás 12.30 horas na Facultade de Ciencias Económicas e Empresariais, está organizada pola USC e o Instituto Español de Analistas Financeiros (IEAF).

No transcurso do acto analizarase ata qué punto China representa tanto unha fonte de riscos como de oportunidades para o panorama económico e financeiro internacional en pleno proceso de profundas reformas e transformacións do seu modelo produtivo.

Javier Santacruz (Madrid, 1990) é doutor en Economía, licenciado en Ciencias Económicas e Empresariales e Máster en Econometría con premio extraordinario pola Complutense de Madrid. É profesor do Instituto de Estudios Bursátiles (IEB), formador do Instituto de Bolsas e Mercados Españois (BME), profesor visitante en varias universidades e escolas de negocios e investigador no lnstitute of Economic Affaires e na Universidade Internacional de A Rioxa, ademais de director do IEB Research Modelling Lab.

Santacruz é consultor estratéxico, socio fundador de China Capital Ltd., analista de mercados e colaborador habitual en medios de comunicación.