Ribeira acolle en xullo un curso aplicado para a prevención e intervención en violencia de xénero
Do 10 ao 12 de xullo e dirixido por Ramón Arce Fernández e Gualberto Buela-Casal, o Auditorio Municipa, de Ribeira acollerá o curso de verán da USC sobre prevención e intervención en violencia de xénero. O prazo de matrícula rematará o 28 de xuño.
O encontro tratará a violencia de xénero cun enfoque aplicado no que se abordan os distintos ámbitos relacionados, tales como as actuacións desde as administracións públicas, tanto autonómica como local, o contexto xurídico, o psicolóxico e as Forzas de Seguridade do Estado.
No curso falarase de programas e accións da Xunta de Galicia contra a violencia de xénero, o perfil criminolóxico e psicolóxico do feminicida, aspectos psicolóxicos entre vítimas e agresores de violencia de xénero, primeiros auxilios psicolóxicos, impacto da violencia de xénero sobre a saúde física e mental, eficacia da reexperimentación emocional nos traumas, intervención con penados con liberdade por violencia de xénero, programa de axuda a fillos que viviron violencia familiar, publicidade sexista, consecuencias penais da violencia contra a muller, medidas xudiciais de protección á vítima no pacto de Estado contra a violencia de xénero.
O curso conta co co financiamento do Concello de Ribeira, do Grupo LoMonaco, da Asociación Española de Psicología Conductual, do Consello Oficial de Psicoloxía de Galicia, da Unidade de Psicoloxía Xurídica e Forense, spinoff da Universidade de Granada e da Secretaria Xeral da Igualdade, Xunta de Galicia e Deputación da Coruña.