O profesor Gumersindo Feijoo entra na directiva da Conferencia de Directores e Decanos de Enxeñaría Química

O director do Departamento de Enxeñaría Química da USC, Gumersindo Feijoo Costa, desempeñará os vindeiros dous anos as tarefas de tesoureiro da Conferencia de Directores e Decanos de Enxeñaría Química que preside José Antonio Calles, da Universidade Rey Juan Carlos. A Conferencia, que renovou a pasada semana os seus cargos directivos, reúne trinta universidades españolas que contan entre a súa oferta académica con estudos relacionados coa enxeñaría química.